Grullurnar

Síðan ég skildi við ykkur síðast með ofurhetjunum fimmsomm hef ég komist í allt annað költ fyrirbæri, en ég er offisíalí orðin Grindavíkur-fótboltabulla. Eftir rúnt um bæinn uppi á þaki á húsbíl sem hún Gebba mín plataði okkur tvibbana svona skemmtilega út í fyrir FH leikinn (svona hlutir gerast bara í Grindavík) opnuðust fyrir mér nýjar víddir og ég fór að velta þessu stuðningsmanna-fyrirbæri fyrir mér.


Grindavík býr yfir mörgum bullum, stórum sem smáum og sýndi það sig þegar Grullurnar (Grindavíkurbullurnar) klöppuðu sínum mönnum lof í lófa þrátt fyrir 0-3 tap á móti fimleikafélaginu. Eftir slíkt "mótlæti" eins og ég kýs að kalla það hefðu margir stuðningsmenn gefist upp. En það gerðu Grullurnar ekki og mættu enn hávaðasamari í næsta leik. Eins og alþjóð veit þá hafðist sá leikur á hörkunni þrátt fyrir dómaraskandala, en Grullurnar tóku einnig framarana í hrópunum í stúkunni. Fólki var heitt í hamsi og sýnir það bara að fótbolti er hjartans mál í Grindavikinni. Mórallinn í bænum fer algjörlega eftir því hvernig gengur í boltanum ásamt því hvort menn séu eitthvað að fiska :)

Inni á fótbolti.net er svo bréf frá Tryggva Guðmundssyni þar sem hann biður mafíuna um að láta í sér heyra á leikjum hjá fh.

Þarna sjáiði að þótt Gindavík gangi ekki sem skyldi í deildinni (samt alveg nóg eftir, þrjú stig í efstu tvö liðin) þá eru Grullurnar í efsta sæti hvað stuðningsmenn varðar og kalla sína menn jákvætt áfram (en ekki með móðgunartónum sbr. fjölnismenn)

Hvet ég alla til þess að gerast Grulla og efni hér með til nafnasamkeppni á stuðningsmannahópinn okkar (þar sem Grulla minnir einna helst á forfeður Grýlu)

Jæja, farin að bulla enda skristofuóveður með eidæmum.
Allir á völlinn á sunnudaginn, ekki viljum við sjá stúkuna svona:



ÁFRAM GRINDAVÍK!