Sunnudagur til sigurs, mánudagur til mæðu, þriðjudagur til þrautar, miðvikudagur til moldar, fimmtudagur til frama, föstudagur til fjár og laugardagur til lukku!

Í dag er því þrautardagur og mín búin að leggja fyrir mig hverja þrautina á fætur annarri, með þó misgóðum árangri. Ég "sectretaði" snjóinn burt, ímyndaði mér hvernig mér liði þegar ég sæi í bílhúddið snemma á morgnana án þess að þurfa að hafa hann í gangi í hálftíma, en allt kom fyrir ekki. Ég hljóp eitt stykki hlaupaprógram í tuttugu mínútur, sem á pappírunum var mjög auðvelt fyrir svona íþróttamann eins og mig. Blóðbragð, rauðar kinnar og endalaus sviti (sem er enn að hrjá mig) var útkoman. Næsta þraut er tiltekt og skipulagning fyrir búferlaflutninga, en daman ætlar að setjast smátt og smátt að í höfuðborg Íslands þar sem hún ætlar að reyna fyrir sér á hinum alþjóðlega vinnustað AFS.

Annars mun ég ferðast til Minneapolis á föstudegi (til fjár), fara til Ekvador á Þriðjudegi (til þrautar... ó boy) fara tilbaka til Minneapolis á fimmtudegi (til frama) og koma svo til Íslands á sunnudegi (til sigurs!) Ég fæddist á laugardegi (til lukku) sem ætti að gefa mér forskot á lífið... allavegana svona á pappírunum!

en byrja sem sagt að vinna á morgun, miðvikudegi til moldar, vonum að ég verði ekki sett í neins konar moldarvinnu, eða aðra grófa sveitarvinnu...

ólöf til sigurs!!