Graaaaannar, allir þurfa góða granna, skilningur á milli manna... kemur góðum deg´af staaaaaað!! graaaaannar....

Líkt og aðrir samstarfsmenn mínir, barnalandsmömmur og hreinlega allir sem vettlingi geta valdið í sjónvarpsglápi vita það að einn farsælasti sápuóperuþáttur okkar tíma er án efa Nágrannar, eða Neighbours ef maður slettir. Frá því að ég var SEND í pössun til Andrésar og Ingunnar á áttunda aldursári var mér kennt það að klukkan korteryfirfimm var horft á Granna í heilar fjörutíuogfimm mínútur. Frá þeirri stundu lærði ég það að Granna-tíminn er heilagur tími og hef alltaf, þrátt fyrir utanlandsævintýr, vinnuálag og annars konar álag, passað mig á því að fylgjast með Ramsey-götu.

Undanfarin ár hefur mér hins vegar fundist svona annars slagið hafa hallað undir fæti hjá þeim, enginn sætur Brad, Scott, Billy, Drew, name it. Beth kom aldrei tilbaka frá Queensland og Drew og Dee fóru til himna að passa hina í götunni. Í dag rann svo upp fyrir mér ljós sem ég hélt að væri slokknað til eilífðarnóns, váááá, Karl fokking Kennedy er að gera allt vitlaust og Súsan er tákn réttlætis og sanngirni og sleppti heldur betur af sér beislinu þegar henni var nóg boðið með karlmanninn í tilvistarkreppunni með gráa fiðringinn. Nakk, ég varð bara reið að horfa á Izzy tussu (afsakið orðbragðið, en hún skilur ekkert íslensku hvort sem er!!) og stóð á öndinni korterívinnu, alveg gáttuð á þessu "mómenti" í íslensku dægursjónvarpi. Vona að presturinn sem Susan kyssir eigi eftir að segja að Gus eigi barnið, ekki Karl!!

Annar eins þáttur hefur ekki sést hér á landi síðan að "My so called life" var sýnt hérna á sínum tíma og Jared Leto og Claire Danes kysstust alveg óvænt þarna í síðustu þáttunum og Bjöggu frænku var svo um að hún datt kylliflöt úr sófanum!!

Ég skora því á þig kæri lesandi að taka upp fjarstýringuna og koma þér inn í farsælastu sápuóperu í heimi, believe you me þú verður sko ekki fyrir vonbrigðum...

Svo væri ég til í að safna liði í pílagrímsför í Ramsay-götu og safna undirstikum í áskorenda-bréf til að fá það í gegn að þættirnir verði gefnir út á DVD, alveg síðan í fyrstu seríu. Ertu með??