Óskar er nú tiltölulega heill miðað við að eiga svona systur...

Það sem kemur ekki fyrir mann... Útlandaævintýrið okkar í fjölskyldunni gekk eins og í sögu og má með sanni segja að allir þeir sem einhverntímann hafa kennt okkur við Brady-böntsið hefðu átt að sjá endalausu hamingjuna og taumlausu gleðina þegar allir meðlimir fjölskyldunnar voru mættir saman í fyrsta sinn síðan á jólunum...

-Ferðalagið byrjaði nú ekki vel, Lafan yfirsigstressuð hóaði öllum út í bíl, gjörsamlega búin að tapa gleðinni fyrir fullt og allt vegna offitu og fatahallæri, röflaði alla leiðina hvað hún væri nú orðin feit og ætti ekkert til að vera í. Fórum öll nett pirruð á Langbest í Keflavík (keflavik nota bene...) fengum okkur vonda pizzu og djúpsteiktan fisk. Flugið var klukkan 15:50 og klukkan tvö var undirrituð við það að fá hjartaslag og grátbað systkyni mín að koma sér upp á flugvöll, mér til mikillar furðu var svo klukkutíma seinkun og þarafleiðandi þurftum við að hanga uppá velli í góða tvo til þrjá tíma. Sorry gæs.

-Við komuna í London beið okkar svo Ipswitch rúta og við tvibbarnir urðum nottla að troða okkur frammí, bara af því að rútan var svo fyndin... Svo var það bara pilli og farið í háttinn. Fyndnast í heimi var samt um morguninn þegar brunakerfið fór af stað inná hóteli, við Magga vissum ekki hvaðan á okkur stóð veðrið, héldum að við hefðum kannski hækkað aðeins og mikið í ofnunum og okkar bjalla hefði bara farið í gang. Ég, eins tillitssöm og ég er byrjaði nottla á því að henda kodda yfir reykskynjarann svo að allir myndu nú ekki vakna, Magga opnaði glugga og byrjaði að lofta út. Við hefðum verið góðar í eldsvoða...

-Svo sóttum við Erlu perlu sem hafði reiknað út með ársfyrirvara hvernig besta leiðin til Ipswitch væri frá Minneapolis, eins og alltaf kom hún út í plús og mætti tíu mínútum á undan okkur hinum... Svo voru bara endalausir endurfundir endurfyrirlöngu (nei djók), við systurnar skelltum okkur út á lífið, fórum í danskeppni sem endaði með því að ég skráði Möggustínurokk á hipp-hopp námskeið fyrir byrjendur í betrunarhúsinu, Lafan fékk "cheers" frá random gaurum og Erla sýndi það og sannaði að hún kallar ekki allt ömmu sína þegar kemur að því að þamba bjór, það skal svo tekið fram að við ameríkíkusystur rústuðum danskeppninni "stjórnun með Löfunni í London"

-Sáum svo æfingasvæði þar sem Ipswitch æfir, fórum á leik og okkur leið eins og footballers wifes í dágóðan tíma... Gæti alveg vanist þessu:) Svo var það bara dinner, dans og drinks það sem eftir lifði kvölds með öllu tilheyrandi. Vaknaði svo nettur á sunnudagsmorgninum, enda 22 stiga hiti og sól sem þýðir aðeins eitt hjá J-lo, sólbaðstími!! Náði mér í smá lit, enda var einbeitningin í lagi og lítið um truflanir.

-Núna er samt mánudagur, kom heim í gær og lærði fyrir prófið í morgun. Alveg með eindæmum hvað mánudagar eru nú leiðinlegir, goddemitt. Prófið gekk lala, en ég held að ég hafi nú alveg náð, sem er jú fyrir öllu. Farin að læra meira og kannski skalla veggi ef það verður til þess að það rýmkast eitthvað hérna uppi.

Finished? No icelandic!